شمالی وزیرستان میں عسکریت پسندوں نے افغان خاتون کو امریکی جاسوسی کے الزام میں قتل کر دیا

میران شاہ ۔ شمالی وزیرستان میں عسکریت پسندوں نے ایک افغان خاتون کو امریکی جاسوسی کے شبہ میں گولی مار کر قتل کر دیا ۔ اینٹلی جنس ذرائع اور عینی شاہدین کے مطابق بدھ کو شمالی وزیرستان میں عسکریت پسندوں نے ایک افغان خاتون گل زادہ بی بی کو امریکی جاسوسی کے شبہ میں قتل کر کے اس کی لاش کو گندے نالے میں پھینک دیا۔ طالبان حمایتی جنگجو شمالی اور جنوبی وزیرستان میں درجنوں افراد کو پاکستانی حکومت کی مدد اور امریکی افواج کے لیے جاسوسی کرنے کے الزام میں قتل کر چکے ہیں۔ تاہم خواتین کے قتل کی وارادتیں کم ہوتی ہیں ۔سرکاری ذرائع کے مطابق 25 سالہ گل زادہ بی بی کی لاش جس کے سینے میں تین گولیاں لگی ہوئی تھیں وزیرستان کے صدر مقام میران شاہ سے تقریباً 35 کلو میٹر دور مغربی علاقے دیگن گاوں سے ملی ہے مقامی لوگوں کے مطابق اس کی لاش کے ساتھ ایک خط ملا ہے جس پر درج ہے کہ وہ افغانستان کے صوبہ پکتیا سے تعلق رکھتی تھی اس کے پاس ایک سیٹلائٹ فون تھا جس سے وہ امریکی افواج کو یہاں کی خبریں دے رہی تھی ۔یہ قتل جنوبی وزیرستان میں امریکی میزائل حملے کے دوران بند کیاگیا ہے اینٹلی جنس ذرائع کے مطابق امریکی میزائل حملے میں القاعدہ کا ایک شخص ابو جناب المسیری جو کہ کیمیکل ہتھیار بنانے کا ماہر تھا بھی مارا جا چکاہے۔