مانچسٹر ۔ وزیر اعظم سید یوسف رضا گیلانی نے کہا ہے کہ مسلم لیگ ( ن ) کے قائد میاں نواز شریف کے ساتھ معاملات میثاق جمہوریت کے تحت حل کئے جائیں گے ۔ وزیر اعظم تین روزہ امریکی دورے کے بعد مانچسٹر پہنچے تو وہاں اپنے وفد میں شامل صحافیوں سے گفتگو کرتے ہوئے انہوں نے کہا کہ عوام کی جانب سے 18 فروری کے انتخابات میں دونوں بڑی سیاسی جماعتوں پر بھاری ذمہ داری عائد کی گئی ہے ۔ وزیر اعظم نے کہا کہ ملک کو درپیش تمام چیلنجوں سے نمٹنے کے لئے ایک سوچ کے ساتھ قدم اٹھانا چاہئے ۔ وزیر اظم نے اس عزم کا اعادہ کیا کہ معزول ججوں کی بحالی کا معاملہ خوس اسلوبی سے طے کر لیا جائے گا ۔ انہوں نے کہا کہ امریکی انتطامیہ نے ملک میں جمہوری اداروں کے استحکام کے لئے واضح یقین دہانیاں کرائی ہیں انہوں نے کہا کہ سرحدوں پر نقل و حرکت کے حوالے سے بھارتی الزامات سے باہمی تعلقات میں کوئی فرق نہیں آئے گا اور سرحدی معاملات فوجی کمانڈروں کی سطح پر حل کئے جا رہے ہیں ۔
Subscribe to:
Post Comments (Atom)
No comments:
Post a Comment