راولپنڈی ۔ نیب حکام نے سابق وزیر اعظم و مسلم لیگ ( ن ) کے سربراہ میاں محمد نواز شریف ، وزیر اعلیٰ پنجاب محمد شہباز شریف اور ان کے خاندان کے دیگر افراد سمیت 9 افراد کے خلاف تین ریفرنسوں حدیبیہ پیپر ملز ، اتفاق فاونڈریز اور ٹیکسوں میں خردبرد کرنے میں ان کو عدالت میں حاضری کے سمن جاری کرنے کی درخواست کر دی ہے ۔ راولپنڈی احتساب عدالت نمبر 4 کے جج خالد محمود کی عدالت میں دائر ان تینوں ریفرنسوں کو ’’ ری اوپن ‘‘ کرنے کے لیے درخواست پہلے ہی دائر کر دی گئی تھی جس پر آج نیب حکم کی طرف سے ڈپٹی پراسیکیوٹر جنرل ذوالفقار احمد بھٹہ اور پراسیکیوٹر عارف علی ظفر چوہان فاضل عدالت میں پیش ہوئے اور درخواست دائر کرتے ہوئے موقف اختیار کیا کہ ان ریفرنسوں میں میاں محمد نواز شریف ، شہباز شریف ، میاں محمد عباس ، صبحیہ عباس ، مریم صفدر ، اور حمزہ شہباز وغیرہ کو پہلے بھی طلبی کا سمن جاری کیا گیا تھا لیکن ان کے بیرون ملک ہونے کے باعث اس پر عملدرآمد نہ ہو سکا لہذا ان کو عدالت میں پیش ہونے کے لیے سمن جاری کیا جائے اور قانونی کارروائی کی جائے ۔ فاضل عدالت نے درخواست پر بحث کے لیے سماعت 21 اگست تک کے لیے ملتوی کر دی ہے
Subscribe to:
Post Comments (Atom)
No comments:
Post a Comment