لاہور ۔ عدالت عالیہ کے تین رکنی فل بینچ نے وزیر اعلی پنجاب میاں شہباز شریف کی پی پی 48 سے کامیابی کے خلاف درخواستوں کے فیصلہ کو ان کے خلاف نا اہلی کیس کے حتمی فیصلہ سے مشروط کرتے ہوئے مزید سماعت ستمبر کے تیسرے ہفتے تک ملتوی کردی ۔ جمعرات کے روز درخواست گزار شاہد اوکزئی نے دلائل دیتے ہوئے موقف اختیار کیا کہ میاں شہباز شریف کے پی پی 48 بھکر سے بلا مقابلہ کایمابی کے بعد انہیں پی پی 10 راولپنڈی سے بھی بلا مقابلہ کامیاب قرار دے دیا گیا جبکہ ایک رکن کے رکن اسمبلی منتخب ہوجانے کے بعد دوسری نشست خود بخود خالی ہوجاتی ہے لیکن میاں شہباز شریف وزیر اعلی کا منصب سنبھالنے کے باوجود اس نشست سے دستبردار نہیں ہوئے ۔ اس لئے انہیں نا اہل قرار دیتے ہوئے وزیر اعلی کے منصب پر کام کرنے سے روکا جائے جبکہ ایڈووکیٹ جنرل پنجاب خواجہ حارث نے اپنے دلائل میں کہا کہ کسی بھی رکن صوبائی اسمبلی کو دو نشستوں سے منتخب ہونے کی صورت میں 30 دن کے ا ندر ا یک نشست کو چھوڑنا ہوتا ہے اور میاں شہباز شریف نے مقررہ مدت ختم ہونے سے پہلے دوسری نشست چھوڑ دی تھی ۔ عدالت نے مزید ستمبر کے تیسرے ہفتے تک ملتوی کردی ہے ۔
Subscribe to:
Post Comments (Atom)
No comments:
Post a Comment