کراچی ۔ چیف جسٹس افتخار محمد چوہدری کی زیر صدارت معزول ججز کا اجلاس چیف جسٹس سندھ صبیح الدین احمد کی رہائش گاہ پر ہوا۔اجلاس میں سولہ ججز نے شرکت کی جس میں سندھ سے جسٹس سجاد علی شاہ ،جسٹس گلزار احمد ،جسٹس مقبول باقر ،جسٹس مشیر عالم ،جسٹس سرمد جلال عثمانی ،جسٹس خلجی عارف حسین ،جسٹس فیصل عرب ،جسٹس امیر ہانی مسلم ،جسٹس انور ظہیر جمالی ،جسٹس سلمان انصاری اور چیف جسٹس صبیح الدین احمد شامل ہیں ۔لاہور ہائی کورٹ سے جسٹس عزیز صدیقی ،جسٹس اقبال حمود الرحمن ،جسٹس عزیز ایم شاہد ،جسٹس خواجہ شریف ،پشاور ہائی کورٹ کے چیف جسٹس طارق پرویز شریک ہوئے ۔اجلاس تین گھنٹے سے زائد جاری رہا ہے۔جس میں عدلیہ کی بحالی کی تحریک کے آئندہ لائحہ عمل اور ججز سے موجودہ حکومت کے رابطوں پر غور کیا گیا ۔ذرائع کے مطابق تمام ججز نے چیف جسٹس افتخار محمد چوہدری کے ساتھ مکمل اظہار یکجہتی کیا اور تمام ججز کی بحالی تک تحریک کو جاری رکھنے کے عزم کا اعادہ کیا ۔
Subscribe to:
Post Comments (Atom)
No comments:
Post a Comment