اولمپک گیمز کا آغاز۔ چین کے حکام نے اولمپک ڈریگون کے نام سے ١٣ ہزار ١١٢ میٹر کا بڑا بینر دیوار چین پر لہرا دیا

بیجنگ ۔ چین میں ہونے والے اولمپکس مقابلوں کی مناسبت سے تیرہ ہزار ایک سو بارہ میٹر کا ایک بڑا بینر دیوار چین پر لہرا دیا گیا ہے جو سیاحوں کی دلچسپی کا باعث بنا ہوا ہے ۔ اس بینر جسے ’’ اولمپکس ڈریگون ‘‘ کا نام دیا گیا ہے کی تیاری اور اسے دیوار چین پر آویزاں کرنے کے کام میں سینکڑوں رضا کاروں نے حصہ لیا ۔ اس پر اولمپکس مقابلوں میں حصہ لینے والے دو سو پانچ ممالک کے پرچم اور دو ہزار آٹھ کی اولمپکس گیمز کے لوگوز بنے ہوئے ہین اس بینرز کی تیاری کا آئیدیا امریکہ میں مقیم چینی آرٹسٹ یاؤ جن ہائی کا ہے جو اس سے قبل دو ہزار ایک میں دس ہزار میٹر کا ’’ اولمپکس ڈرایگون‘‘ دیوار چین پر لہرا کر گینس بک آف ورلڈ ریکارڈز میں نام درج کرا چکے ہیں