سوات میں طالبان کے خلاف آپریشن ساتویں روز بھی جاری ، بونیر میں اے ایس آئی جاں بحق

سوات ۔ سوات میں طالبان کے خلاف آپریشن منگل کے روز ساتویں روز بھی جاری رہا۔ طالبان نے مینگورہ اور مٹہ میں مزید دو گرلز سکول نذر آتش کر دیئے۔ بونیر میں پولیس موبائل پر فائرنگ سے ایک اے ایس آئی جاں بحق ہو گیا۔ مینگورہ شہر میں نامعلوم افراد نے ایک گرلز سکول کو آگ لگا دی جبکہ مٹہ کے علاقے میں بھی شرپسندوں نے ایک گرلز سکول کو آگ لگا دی ۔ واضح رہے کہ اب تک سوات کے علاقے میں سینکڑوں گرلزسکول پہلے ہی نذر آتش کئے جا چکے ہیں۔ ادھر بونیر کے علاقے میں پولیس موبائل پر شرپسندوں کی فائرنگ سے ایک اے ایس آئی جاں بحق اور دو اہلکار شدید زخمی ہو گئے۔