سوات: گن شپ ہیلی کاپٹروں کی فائرنگ ، مقامی طالبان رہنما مولوی حسین علی سمیت ١٠ طالبان جاں بحق ٦ شدید زخمی

سوات ۔ سوات میں جاری سیکورٹی فورسز کے آپریشن کے دوران گن شپ ہیلی کاپٹروں کی فائرنگ سے مقامی طالبان رہنما مولوی حسین علی سمیت 10 طالبان جاں بحق 6 شدید زخمی ہو گئے ہیں زخمیوں میں زیادہ تر اہم کمانڈر شامل ہیں اطلاعات کے مطابق سوات میں جاری سیکورٹی فورسز کے آپریشن کے دوران گن شپ ہیلی کاپٹروں کی فائرنگ سے مقامی طالبان کے اہم رہنما مولوی حسین علی سمیت10 طالبان جاں بحق ہو گئے ہیں تحصیل مٹا کے دور افتادہ پہاڑی علاقے میں سیکورٹی فورسز کے شپ ہیلی کاپٹروں نے کاروائی کی جس میں 10 طالبان جاں بحق ہو ئے ہیں جس میں طالبان کے اہم رہنما مولوی حسین علی جاں بحق ہو ئے ہیں ان کے علاوہ جاں بحق ہو نے والوں میں دیگر کچھ اہم طالبان کمانڈر بھی شامل ہیں اور 6 اہم رہنما زخمی بھی ہوئے ہیں جن کا امن معاہدے میں اہم رول رہا ہے بتایا جاتا ہے کہ مولوی حسین علی کے انٹر نیشنل سطح کے طالبان کے ساتھ قریبی رابطے رہتے ہیں طالبان ان کو بہت قدر کی نگاہ سے دیکھتے تھے۔