سوات کے علاقہ دیولئی اور سکئی میں مارٹر گولے گرنے سے ٥ بچوں سمیت ١٣ افراد جاں بحق

سوات ۔ سوات کی تحصیل کبل میں دو مکانوں پر مارٹر گولے گرنے سے 13 افراد جاں بحق ہو گئے جبکہ سوات اور مینگورہ میں کرفیو میں دو گھنٹے کی نرمی کی گئی۔ جس کے بعد دوبارہ نافذ کردیا گیا ۔سوات آپریشن میں حصہ لینے کے لیے فرنٹیئر کور کے تازہ دم دستے مٹہ اور کبل پہنچ گئے۔ سوات کی تحصیل کبل کے علاقے دیو لئی میں مقامی پیش امام کے گھر پر مارٹر گولہ کرنے سے پیش امام ان کی اہلیہ اور 5 بچے جاں بحق ہو گئے۔ سکئی میں مارٹر گولے گرنے سے 5 افراد جاں بحق ہوئے۔ تحصیل مٹہ میں سیکورٹی فورسز نے متعدد ٹھکانے بھی تباہ کر دیئے گئے۔ ادھر کبل پولیس سٹیشن اور ولئی چیک پوسٹ پر طالبان نے حملہ کیا لیکن جوابی کارروائی کے بعد طالبان فرار ہو گئے جبکہ کبل تھانے کے قریب سے ایک لاش بھی ملی ہے شرپسندوں نے خوازہ خیلہ کے علاقے عالم گنج میں سکول کو آگ لگا دی اور مٹہ میں ایک پل دھماکہ خیز مواد سے تباہ کر دیا ۔ نواکلے میں پولیس نے 5مشتبہ افراد کو گرفتار کر لیا۔